【📢預告：觀塘綠色年宵2020 💚】
雖然仲有個幾月先到農曆新年，已經急不及待想同大家預告！
今年 珍古德協會（香港）Jane Goodall Institute, Roots & Shoots Hong Kong與 環境運動委員會(環運會) 及 環境保護署(環保署) 再度合作，一齊喺觀塘推行「綠色年宵」！
♻屆時我哋將會在會場內推行一連串減廢回收措施，並舉辦相關嘅教育宣傳活動。希望鼓勵大家喺參與節慶活動同時實踐環保、源頭減廢及乾淨回收，做到「自己垃圾自己帶走」，攜手打造「綠色新年」。
🦍♻🐠《咩嘢係「綠色年宵」？》🐠♻🦍
農曆新年係重要嘅傳統節日， 而「行年宵」更加係每年新年嘅必備節目！
眾所週知，大型年宵市場每日入場人數數以萬計，廢物處理工作亦都非常艱巨。
有見及此，環運會於2017年開始舉辦「綠色年宵」，呼籲商販和市民大眾珍惜資源，身體力行支持減廢。鼓勵市民係行年宵市場時自備水樽、食物盒、餐具及購物袋，減少使用即棄用品，將可以回收嘅垃圾都放進回收桶，做到「自己垃圾自己帶走」，廢物量必定大降。
參與節慶活動同時實踐環保減廢，攜手打造「綠色新年」!
#環運會 #ecc1990 #janegoodallinstitue #janegoodallhk #JGIevent#greenLYNfair #KTGLYF #happygreenyear #觀塘綠色年宵 #綠色年宵 #綠色商戶 #珍古德協會 #回收 #減廢